Luxury (已結業)

今日适逢好友聚会，特地揾左支靓酒大家分享，要揾间边食边倾计，又可以免开酒费，就系茫茫既美食海中揾到呢间Luxury，拣呢间食饭最钟意个格调，一入门口已经有种温暖既感觉，推开门又系一个美食天堂。一开始有面包，餐厅非常细心准备咗唔同的芝士夹面包，迎合唔同客人口味。Like左Facebook就送左碟虾刺身，即like即送。刺身系原只虾，都几新鲜好爽口，要赞！头盘先黎一个 “薄切西班牙黑毛猪柳配意式吞拿鱼酱”入口一阵浓郁既吞拿鱼味，咬落带有猪毛猪既肉感，入口即溶既感觉，回味无穷。当用完头盘后，身后传黎阵阵既松露香味，一转身已看到一碗奶白色的汤，散发出香味，入口唔太浓唔太淡。压轴好戏出场啦， “慢煮和牛面颊配薯蓉”，和牛肉质丰厚，软熟恰当，配菜既薯蓉仲要入口唔太腻，成个主菜都相当有口感。朋友另外叫左一个 “芝士鸡卷配时令蔬菜”, 鸡卷入口非常有口感，唔会觉得好难咬，带有唔太腻既芝士味，口感好有层次感。最后甜品上场， “伯爵茶慕丝蛋糕”，入口即溶，口感顺滑，系口入面亦都带出阵阵茶香，钟意食蛋糕既我，俾呢个蛋糕十分满分。总括黎讲，成餐既CP值都唔错，气氛亦都相当适合好友聚会，开酒同切饼唔收任何费用，