茶廳 (已結業)

听说青衣有得睇红叶，第一次到访，原来唔系时候，不过，假日行吓公园都系好活动。好少去青衣城，咁大个商场，行吓行吓，有啲饿，朋友话想饮奶茶，嚟到2期见到呢间食肆，望完有下午茶餐就入咗嚟。由于未食午餐，考虑到食包唔够饱，所以我哋点了星洲炒米同褔建炒饭。等咗阵就，食物送到。估唔到下午茶份量都唔细。炒饭非常足料，而且有惊喜，有多只虾同瑶柱，啲虾爽弹，仲要唔系切粒，其他𩠌料有冬菇，红肠粒，火腿粒，红罗卜，翠肉瓜粒，炒底，$52加埋热饮，又够镬气，又冇重口味，坚推! 星米又系好出色，𩠌料又系有爽弹虾，而且火腿丝，红罗卜丝，青椒丝，加上洋葱丝，葱丝，颜色配搭加分! 唔算辣，少油，好味! *好耐冇食过咁好食嘅炒嘢!奶茶香滑!服务好!