Hunger Strike (第三街) (已結業)

今日过海去西营盘街市做野，行果条长命斜真系命都短几年，真心配服住系呢头既街坊。做到肚饿紧系医下个肚，但系真系唔想再同个斜坡玩游戏，就行左去隔离第三间望下有咩野食，唔望还好，原来呢边都多野食。今次见到间小店系食印度汉堡，舖面都装修都好英伦风，叫Hunger Strike ，原来系米芝莲餐厅分店黎架，仲系西上环都好出名。我同同事叫左招牌鸡肉汉堡(Hunger Chicken Burger) 同埋咖哩牛肉薄饼(Curried Beef Naanizza) 2个Set 我地都加做combo 因为加几蚊有埋薯条同饮品都好抵。叫完先知佢地真系所有食物都系即叫即做，因为系厨房传出黎既食物香味真系超吸引。先上既招牌鸡肉汉堡，超大个，比起一般既汉堡足足大左一个圈，入边既材料又好足，最值得一提一定系入边既鸡肉，因为系红色架，就好似系印度餐厅食咖哩鸡咁，好香好好味！加埋个热辣辣薯条，真系劲好正。咖哩牛肉薄饼一上我地都打左个突，原来我地睇漏左个12吋 呢个字，大份量，pizza 上面真系每件都有咖哩牛肉，好特别，我自己就觉得好好味，如果一定要讲比较差小小就系牛肉有小小鞋。估唔到呢间米芝莲餐厅果然有返咁上下实力