粥如意

营业中

休息中

宜家啲街巿唔止买𩠌咁简单，仲可揾到好多隐世美食。今日同男朋友去开友爱邨时发现友爱街巿内一间粥店，经济实惠兼好味，令我地都食得好滋味。开方式的设计，地方唔算大，有几张长枱和四张长枱。全店以浅绿色为主，感觉和谐舒服。每枱都有齐多款酱料、调味料、用具和餐牌，都几齐备。餐牌共三份，分别有传统即热粥、瓜菜肉类粥、健康粥、粉面餐、三文治餐、招牌生滚粥、即蒸布拉肠粉、小食和饮品，选择不少。我点一碗南瓜鱼腩粥 ($40)，超大碗，用料十足。粥底绵滑，加咗大量南瓜煲成，变成南瓜蓉跟粥混合，啖啖都有南瓜的甜美，好味！鱼腩共有四至五件，肉质鲜味嫩滑，鱼皮滑嘟嘟，好新鲜，正！仲加了不少姜丝，食落一啲腥味都无。男朋友要四𩠌汤饭（$51+8），在二十多款𩠌料中拣咗鱼头、鱼鲛、滑鸡和鱼腩，每款𩠌都有两至四件，再配碗大白饭，份量十足，抵！汤底是红青萝卜，注明自家煲，好清甜，少油少盐，家的感觉。鱼头都几大个，鲜甜滑溜；鱼鲛是最滑的部份；而鱼腩就啖啖肉，加埋嫩滑的鸡件，大满足！仲叫咗两款即蒸布拉肠粉，鲜虾肠和叉烧肠（$20）外表令爉爉，滑嘟嘟。每卷卷着两只爽弹的鲜虾或不少肥美的叉烧丝，简单淋啲豉油已不错，若果外皮薄身一啲