餃里 (悅湖商場) (裝修中)

难得系屯门有隐世高质饺子铺，一于要搭车入去食。店铺外观好文青feel，连logo都好得意简单~虽然只系提供外卖，但人流仍然好多。全部即叫即煎同煮，仲有生饺可以买番屋企煮添~等大约10-15分钟就拎到，可以系商场凉下冷气等。餐牌有好多饺子馅拣，仲有拼类，啱哂咩都想试嘅人。三拼自由选可以拣3种饺子，各有3只。咖哩味好浓烈，食完成个口腔都仲充斥住，而且多馅到只系睇外皮都分得清口味。素饺啱哂素食者，馅料有大量粉丝、红萝卜丝、木耳、等，一咬就好香菇味，同埋就算冇肉馅，都一样鲜甜，因为有蔬菜香甜。泡菜馅够特别，少见之余，泡菜味道贴近韩式。虽然望落好红，但微微辣only，怕辣都接受到。田园四拼就每款菜饺各2只，比起其他餐厅嘅搭度高好多。椰菜切成既大小口感ok，清甜，肉菜比例嘅菜多d，但d肉一样多，因为只只都超级饱满大只，仲要包得劲靓~钟意食芫荽嘅人一定要叫，d芫荽多到爆，香气十足。芹菜馅亦都唔常见，芹菜味浓郁，成为饺子馅料比起就咁食芹菜更易入口。韭菜馅不过不失，肉菜嘅比例尼个大约一半一半。配搭餐厅提供既酸酸酱汁，好开胃，仲有辣菜甫，辣得黎有口感。除左某几款只有煎饺，其他有汤饺可以拣。紫菜鲜肉汤饺嘅汤