新耀記食店

营业中

休息中

隐世茶记之无敌冰糖卤髀✨ 想食好耐但平时又唔会点样同朋友食茶记，今次终于有机会自己一个人食嘢，即刻嚟朝圣呢度个冰糖卤髀😌可以配煎蛋饭都可以配炒出前一丁，我拣咗后者，毕竟系屋企好难炒到个成功嘅公仔面。一等就等左廿分钟，终于上菜，炒丁就真系不过不失，冇错系干身无油，但同时好似冇乜镬气咁，当然佢只系配菜唔会要求太多重点主角系只卤髀，第一眼觉得佢其貌不扬，黑蚊蚊又烂蓉蓉，食落不得了，焖到好软好腍身，阵卤水味好甜，但佢甜得嚟唔系死甜，而系带阵冰糖香，如果系重口味人士会超钟意，食开口味淡嘅就可能觉得过咗火，我就非常钟意喇😌