華記士多 (已結業)

细个住西湾河，大个成日嚟太安楼扫街，都唔知有咁正嘅蛋包饭食，点都要嚟试下啦！12点几嚟到，已经差唔多坐满哂，其实都唔系好多位，迟咗嚟就有排等。佢哋人手唔多，加上要做外卖，所以等咗唔少时间，如果冇耐性就要有心理准备。全场十居其九都系叫蛋包饭，可想而知几受欢迎，等多阵个饭终于嚟啦，即刻食嘢先！呢度嘅蛋包饭系配咖哩汁，里面有鸡肉，加上蛋系有啲溶，食入口更觉软熟。唔似日式果啲落茄汁带啲酸味，呢个更加易入口。呢个餐系跟埋嘢饮，我叫咗冻华田，反正唔系重点，唔系太难饮就够啦。路过食lunce嘅，除咗太安楼之外都可以嚟食下，不过呢度冇冷气，大热天时要准备好啲。