影片
更多
2019-10-22
13 浏览
蒸气石锅早几年前好鬼兴，但近年好似热潮已过，唔再系好多地方可以食到。外国朋友返黎香港探亲，话好想试下，所以我就揾左呢间近佢住嘅地方，位于天文台围嘅宝轩酒店内嘅餐厅。餐厅面积唔大，人多可以包一间房，私隐度极高，除左侍应之外无咩人会入去甚至经过。由于我地只有两个人，所以只能系拣开放式座位啦。餐牌上选择都好多，可以散叫亦都可以叫套餐。唔想烦嘅我地叫左个每位$328嘅「 有蒸气石锅海鲜餐」，除咗有好多海鲜外，仲可以拣汤底或粥底添。沙包蚬:味道鲜甜肉厚多汁，亦都几有海水味。大连鲍鱼:鲍鱼鲜嫩大只，加左虫草去蒸，时间刚刚好，咬落去唔韧，入口新鲜爽口弹牙，一咬断开。竹串海中虾:每人都有两只，虽然唔系好大只，但系拆开后都几好肉，肉质爽弹，亦都好有鲜虾味。日本元贝:元贝算几大只同肥厚，加入蒜蓉同粉丝去蒸，食落厚肉爽口，粉丝吸收晒酱汁嘅精华后感觉更惹味。清蒸美国筒蚝:筒蚝大大只，海鲜味重，味道浓郁，蒸得刚刚好，非常好味。姜葱蒸鲜鱿:鲜鱿弹牙爽甜，配上豆卜一齐蒸，时间控制得刚刚好，食落好有口感，唔会过老，值得一赞。金银蒜蒸胜瓜:呢个胜瓜腍度适中， 蒜茸味都好入味， 清淡鲜甜。手剁猪肉丸及墨鱼丸:猪肉丸系以新
餐厅面积唔大，人多可以包一间房，私隐度极高，除左侍应之外无咩人会入去甚至经过。由于我地只有两个人，所以只能系拣开放式座位啦。餐牌上选择都好多，可以散叫亦都可以叫套餐。唔想烦嘅我地叫左个每位$328嘅「 有蒸气石锅海鲜餐」，除咗有好多海鲜外，仲可以拣汤底或粥底添。
沙包蚬:味道鲜甜肉厚多汁，亦都几有海水味。
大连鲍鱼:
鲍鱼鲜嫩大只，加左虫草去蒸，时间刚刚好，咬落去唔韧，入口新鲜爽口弹牙，一咬断开。
竹串海中虾:每人都有两只，虽然唔系好大只，但系拆开后都几好肉，肉质爽弹，亦都好有鲜虾味。
日本元贝:元贝算几大只同肥厚，加入蒜蓉同粉丝去蒸，食落厚肉爽口，粉丝吸收晒酱汁嘅精华后感觉更惹味。
清蒸美国筒蚝:筒蚝大大只，海鲜味重，味道浓郁，蒸得刚刚好，非常好味。
姜葱蒸鲜鱿:鲜鱿弹牙爽甜，配上豆卜一齐蒸，时间控制得刚刚好，食落好有口感，唔会过老，值得一赞。
金银蒜蒸胜瓜:
呢个胜瓜腍度适中， 蒜茸味都好入味， 清淡鲜甜。
手剁猪肉丸及墨鱼丸:猪肉丸系以新鲜猪肉手剁，再加入少少马蹄同埋其他材料整成既，肉质好嫩滑，味道浓而多层次，至于墨鱼丸更加系爽口弹牙，好好味。
粥底:呢个排骨粥系全晚重头戏，一开始未蒸任何食物时已经放入锅底，材料可以系
-南瓜/番薯/菜干/黄豆/鲜腐竹/粟米/干瑶柱 (拣一样)
-配排骨或鸡
我地拣左南瓜同埋排骨。
呢个粥底系全餐饭之中我最期待嘅，个粥系经过多轮唔同海鲜同𩠌菜既蒸气精华「蒸」成嘅，由本来嘅珍珠米，排骨同南瓜，过左1个钟头之后，终于变成好多粥水嘅南瓜排骨粥。粥呈米黄色，口感绵滑，吸晒排骨嘅味道，咸咸地，好入味。
总括黎讲呢度嘅食物份量适中，又有专人帮你计时同逐道菜夹上蒸笼同上碟，以三百几几蚊呢个价钱可以享受到咁嘅食材同服务，算系性价比高。
张贴
