影片
更多
2024-01-03
242 浏览
朋友最近搬咗去土瓜湾，过去庆祝佢新居入伙加系附近揾下有咩好嘅餐厅，嚟到有唔少餐厅嘅启岸巷子，当日就拣咗食西班牙x日本fusion菜嘅Still🫶🏻▫️Set Dinner for 2 套餐包 Tapas 9选3、Main Course 4选1同Sweets 2选1，点呢个套餐饮品仲买一送一，真系非常丰富😆ღ 啤酒蒜片虾第一个Tapas拣咗啤酒蒜片虾，虾仁有成五六只，虾肉爽弹结实，加咗灯笼椒、蒜片同本地黑啤一齐煮，够晒惹味仲可以食到少少麦味，味道上几有层次。ღ 香煎慢煮八爪鱼 (+$38）第二个Tapas系八爪鱼，八爪鱼劲大条，加$38都几值！可以沾芥末蛋黄酱同墨汁蛋黄酱，个人钟意芥末蛋黄酱多啲，有少少辣味又唔会咸。食八爪鱼最惊韧到咬唔开，呢个慢煮version就冇呢个问题，肉质弹牙唔会韧🥰ღ 牛肉他他最后一个Tapas就拣咗牛肉他他，生牛肉捞埋紫洋葱同上面嘅秘制蛋黄酱再放上面包一齐食，成件事都好夹😋食完仲可以再加面包，可以拣橙皮同酸种面包，我梗系两款都叫嚟试吓啦！店员就建议先食酸种面包，因为橙皮面包味道会比较浓。橙皮面包配牛肉他他真系好有惊喜，橙味香甜又唔会抢咗他他嘅鲜味😍ღ 招牌西班牙
▫️Set Dinner for 2
套餐包 Tapas 9选3、Main Course 4选1同Sweets 2选1，点呢个套餐饮品仲买一送一，真系非常丰富😆
ღ 啤酒蒜片虾
第一个Tapas拣咗啤酒蒜片虾，虾仁有成五六只，虾肉爽弹结实，加咗灯笼椒、蒜片同本地黑啤一齐煮，够晒惹味仲可以食到少少麦味，味道上几有层次。
ღ 香煎慢煮八爪鱼 (+$38）
第二个Tapas系八爪鱼，八爪鱼劲大条，加$38都几值！可以沾芥末蛋黄酱同墨汁蛋黄酱，个人钟意芥末蛋黄酱多啲，有少少辣味又唔会咸。食八爪鱼最惊韧到咬唔开，呢个慢煮version就冇呢个问题，肉质弹牙唔会韧🥰
ღ 牛肉他他
最后一个Tapas就拣咗牛肉他他，生牛肉捞埋紫洋葱同上面嘅秘制蛋黄酱再放上面包一齐食，成件事都好夹😋食完仲可以再加面包，可以拣橙皮同酸种面包，我梗系两款都叫嚟试吓啦！店员就建议先食酸种面包，因为橙皮面包味道会比较浓。橙皮面包配牛肉他他真系好有惊喜，橙味香甜又唔会抢咗他他嘅鲜味😍
ღ 招牌西班牙海鲜炒饭
第一次见有左口鱼同三文鱼籽嘅西班牙海鲜炒饭，呢个日式嘅煮法夹👍饭粒烟靭口感一流
ღ Chewy Sweets
有迷你版Churros同黄豆粉+抹茶厥饼，Churros点埋朱古力酱邪恶得嚟又好食😋
ღ 招牌西班牙水果茶
造型好可爱，细细个杯入面仲有橙、苹果同蓝莓，饮落清新又唔会甜
ღ 热情的苹果特饮
好refreshing嘅选择，甜度啱啱好
呢间真系可以话系隐世宝藏餐厅，位置离土瓜湾地铁站好近，但系人流唔多。店员都好仔细咁讲解每一道菜，食物配搭创新，菜式好食又有惊喜，绝对系值得比多啲人认识呢间餐厅🤓
张贴
