FULL/half (已結業)

今晚趁比较休闲就打算食好啲，同事介绍黎呢间隐世西餐。餐厅喺the one商场最顶层，家品店后面。窗边有私隐度比较高既二人位，景色都应该唔错，可惜我地到既时候已经无晒窗口位。入正题，晚市有dinner set，价钱都相宜。 每个set都可以配汤或者沙律，我地今次拣左汤，个汤调味啱啱好，好滑，又唔会太稀。 主菜系黑毛猪意大利粉，好足料，意粉软硬适中。仲有煎带子意大利饭，带子好新鲜，又juicy，意大利饭都好有口感。 呢度仲有花茶，淡淡花香，配上少少蜂蜜，可以平衡番之前浓味既主菜。呢度甜品真系令我喜出望外，本身唔算好钟意食慕丝既我都秒完呢道甜品。佢系雪涷既慕丝波波沾上Oreo饼碎，食时点上香蕉汁。食落好似雪糕，配上香蕉汁，有朱古力既香味，但一点啲都唔腻。呢间餐厅无论食物质素，环境同服务都好好，价钱又相宜，绝对会再试！