上海榮華川菜館

营业中

休息中

上星期日，藤原君突然想去食中菜，所以就去左一间细个时去过既一间中菜馆食lunch😋，虽然呢间主打街坊生意多，但质素一点都唔差！先讲个担担面，我发觉依家出面好多餐厅煮担担面时，花生酱通常都煮唔匀，所以经常都沉底，形成一层辣油，一层花生酱既汤底😓相反，呢度既担担面汤底真会煮过，除左辣外，仲带带一阵阵花生香味，所以都比出面既出品比较香！蒜泥白肉食落都唔错。猪肉切得薄之外，仲好爽口。味道都好有层次，除左麻辣味外，仲带有蒜香，虽然系有点辣，但真系食到停唔到口😋！不过价钱唔算平，建议两人share会抵D！呢度仲有好少见既八宝茶卖。「八宝茶」用左八种唔同药材，例如杞子和菊花等，相对比较养生！而且，八宝茶用左冰糖嚟调味，所以味道甜甜地，容易入口！我觉得呢间中菜馆价钱贴地，质素都唔差，住附近既朋友，不妨去试下。