河內大娘越南餐廳 (已結業)

困咗咁耐，难得星期六放假梗系要岀去食晚饭喇。系尖沙咀行街经过呢间越南菜，坐得几松动就入咗去坐了。餐牌都好多嘢食，唔系净系得typical 嘅生牛肉河粉，价钱都非常合理。顺化粉（$89）- 平时去越南餐厅多数都系食河粉,檬粉等等。呢个顺化粉系牛展、猪手、猪红米线，份量十足，牛展仲好腍添。再配上少少辣嘅汤底，好惹味。奥巴马粉（$89）- 其实系檬粉配上鱼露汁，酸酸地好开胃。有扎肉同用秘制酱汁腌嘅猪肉。扎肉好有口感，另外个猪肉都好入味，直头好似岀面食嘅串烧烤猪肉咁。香茅猪扒三文治（$49）- 其实食完两个面都饱饱地，但我哋仲想试下个三文治。果然有惊喜㖞！三文治烘到劲脆口，里面馅料都劲丰富，有超厚身嘅香茅逐扒同蔬菜，必定要试。青柠梳打（$29）和莲子龙眼冰（$39）- 莲子龙眼冰真系好足料，不过我觉得有啲甜，所以就嗌咗酸酸嘅青柠梳打。