阿一豬扒酸辣米綫

营业中

休息中

阿一猪扒酸辣米线今日山长水远谂住去筲箕湾食鸡蛋仔夹饼，点知两间都因为疫情关系冇开，本身好无瘾谂住去第二度食野架啦，但行行下筲箕湾东大街，见到有间米线好多人排，就坐低试下佢。餐厅系旧式茶餐厅格局，唔太干净，服务态度就见仁见智啦，今次就唔系几好啦，串串地咁。。。但坐低咗，都照食啦，好食即餐厅，多数系有啲格既。酸辣猪扒红薯粉猪扒有三大件，肉质几淋身，而且非常入味。但今次食呢件就比较肥，好多肥膏位。而红薯粉就正常。配料方面有花生，菜甫，酸菜等等，花生唔太新鲜，唔淋唔脆，但其他就正常发挥。汤底微辣，带少少麻味，辣味唔会太呛喉，配红薯粉食几唔错。雪花羊肉卷酸辣上海面羊肉卷份量好多，而且十分有羊味，几有惊喜。而羊肉味同汤底更加夹，几好食。而上海面系比较粗既，食到最后都唔会吸得太多汤而淋晒。本人比较喜欢上海面，比红薯粉更有特色。