影片
更多
2019-05-13
27 浏览
今日系拍拖周年纪念👫当然要食返餐好我地两个都钟意食日本野 咁啱又喺网上揾到间喺锦田嘅隐世高级铁板烧，就搭左西铁去锦上路站。本身以为好偏僻，但原来西铁站一出就有小巴搭 5分钟就到lu餐厅装修劲靓 一见到门面 仿如置身于日本咁😍😍😍入到去点餐 大家都费是谂 就叫左个二人餐。1️⃣坐低左冇几耐 侍应就上左前菜有沙律同东风螺。沙律菜同螺都非常新鲜。沙律仲要有冰菜，有惊喜🤩🤩2️⃣食完前菜，师傅就出嚟开始’表演’。师傅先煮响螺，由于食材新鲜，唔使点其他酱汁都已经好有鲜味。师傅煮嘅时间亦啱啱好，口感十分爽口。3️⃣第三道菜系帆立贝，师傅煎完再将帆立贝连紫菜汤焗一焗。帆立贝不会太干，汤亦有帆立贝嘅鲜味😋😋4️⃣食完帆立贝，就嚟到我今餐最爱嘅一道菜 - 白甘鲷。师傅首先将油煮热，然后将鱼鳞一边炸到松脆，再用盖煮，慢慢将条煮熟，最后就放上铁板，将两边煎香。一食落去，真系外脆内软，鱼仍然有肉汁同鲜味，口感丰富！真系一试难忘！5️⃣食完白甘鲷，下一道菜就系龙虾。师傅仲要拆埋肉 连龙虾膏一齐煎。煎紧嘅时候，未食都已经嗅到浓郁嘅膏嘅香味。食落亦冇失望，非常可口！6️⃣食哂海鲜，师傅就特地整左个西多士 (menu入面没有) 当中场休息之
我地两个都钟意食日本野 咁啱又喺网上揾到间喺锦田嘅隐世高级铁板烧，就搭左西铁去锦上路站。本身以为好偏僻，但原来西铁站一出就有小巴搭 5分钟就到lu
餐厅装修劲靓 一见到门面 仿如置身于日本咁😍😍😍
入到去点餐 大家都费是谂 就叫左个二人餐。
1️⃣
坐低左冇几耐 侍应就上左前菜
有沙律同东风螺。沙律菜同螺都非常新鲜。沙律仲要有冰菜，有惊喜🤩🤩
2️⃣
食完前菜，师傅就出嚟开始’表演’。
师傅先煮响螺，由于食材新鲜，唔使点其他酱汁都已经好有鲜味。师傅煮嘅时间亦啱啱好，口感十分爽口。
3️⃣
第三道菜系帆立贝，师傅煎完再将帆立贝连紫菜汤焗一焗。帆立贝不会太干，汤亦有帆立贝嘅鲜味😋😋
4️⃣
食完帆立贝，就嚟到我今餐最爱嘅一道菜 - 白甘鲷。
师傅首先将油煮热，然后将鱼鳞一边炸到松脆，再用盖煮，慢慢将条煮熟，最后就放上铁板，将两边煎香。
一食落去，真系外脆内软，鱼仍然有肉汁同鲜味，口感丰富！真系一试难忘！
5️⃣
食完白甘鲷，下一道菜就系龙虾。师傅仲要拆埋肉 连龙虾膏一齐煎。煎紧嘅时候，未食都已经嗅到浓郁嘅膏嘅香味。食落亦冇失望，非常可口！
6️⃣
食哂海鲜，师傅就特地整左个西多士 (menu入面没有) 当中场休息之后再食肉
师傅先喺面包晒上糖，连牛油一齐煎香，面包上仲有个”崟”字，好特别，好脆好香口。😋😋😋😋
7️⃣
第七道菜系日本A5和牛，师傅煎得啱啱好，入口即溶。
8️⃣9️⃣🔟1️⃣1️⃣
最后几道菜，分别系炒菜，樱花虾炒饭，同埋鲷鱼汤。
炒饭炒得好干身，唔错！
鲷鱼汤鱼味亦非常浓郁，又唔腥，好正，出面冇乜地方可去饮到咁有水准嘅鱼汤！
最后当然唔少得甜品，我叫左绿茶雪糕，绿茶味浓郁，好好食！
二人餐$1980, 虽然唔系好平，但食物质素绝对值回票价！
店员服务质素亦很高，十分有礼貌！
师傅亦会边煮边同客人倾偈，解释每道菜嘅煮法同食法。整个用餐厅体验非常好，真系值回票价！
张贴
