K&L Dream Cafe (已結業)

元朗多野食个个都知道，今日就入元朗见到依间好有特色既餐厅就入左去食。餐厅提供室内或室外既座位比唔同需要既人选择，内外环境气氛一流。讲到西餐作为餐厅既主打，可以选择唔同既菜色。总会有一款岩你口味首先上左一碟沙律菜作为头盘，菜非常新鲜再配上柚子汁同埋提子干点聚。作为头盘都咁好食已经对之后点既菜都好期待。蒜蓉包好热手好脆，难得一见又热又香既蒜蓉包。蒜香味十足，推荐各位都要试一试是口餐汤系薯仔浓汤，两个字形容「足料」。啖啖都真材实料，配埋岩岩既蒜蓉包食亦十分夹。主菜叫左巴马火腿牛肝菌汁全蛋阔条面。牛肝菌汁岩哂中意食浓味既朋友，够浓又香。阔条面亦弹牙吸埋牛肝菌汁令人食唔停。另一碟系烤春鸡松子仁白松露意大利饭，烤春鸡鲜嫩多汁，意大利饭烩得入味。两碟主菜诚意推介。