Wingman (船街) (已結業)

收工经过湾仔，咁啱想食炸嘢，位于湾仔船街一间隐蔽嘅小快餐店，竟然有我最爱嘅鸡翼放题啊。舖头店舖好有型格，黑蚊蚊，亦都有好多霓虹灯可以打卡，佢有好林林总总唔同味道嘅鸡翼放题，但系我哋拣咗一个burger同鸡翼，仲有松露薯条。鸡翼方面我哋今次拣咗泰式酸辣鸡翼一份六只，鸡翼个size好大只，而且皮香肉嫩，出边仲有满满嘅泰式酱，真系十分之正。而另外一个就系炸鸡汉堡，炸鸡汉堡个鸡肉炸得非常香脆，青瓜丝配上沙律酱一解油腻，最后加埋个松露薯条，佢仲要系用幼薯添，松露酱配埋新鲜炸起嘅薯条真系绝配。下次嚟真系要试试佢个鸡翼放题先，有唔同嘅味道，有辣有唔辣，适合一班朋友黎比拼一下。