榮耀餐廳 (已易手) 新餐厅

今日收工去大围找朋友食饭，朋友话要带我去一间隐世餐厅食饭，于是乎充满神秘感。走入村屋群，餐厅原来就系入面，一间都真系唔易发现的餐厅。我叫左个纽西兰肉眼扒配烧汁的all day set，冻柠檬茶一杯。先黎一个餐汤。青绿色的餐汤入面有几粒香脆的面包，饮落去第一啖已经尝到好一阵的菜香味。我本身以为呢度会好似其他餐厅一样俾d金宝汤你饮，呢度又唔系㖞，明显系不加味精的自家产品，浓度适中，剩系无添加味精已经好抵赞。主菜黎喇，肉眼扒配烧汁在面头，下面系配菜，有啲洋葱、野菌、烟肉、薯仔粒之类的。配菜好好味，因为烟肉本身带咸，加埋啲带淡的野菌香菇去炒，两样野加埋一齐好配。肉眼扒要左五成熟，食落去肉质鲜，无冷藏味，谷饲味，而且大块得黎都好厚切，肉汁锁住系扒入面，食落好有口感。下次会再帮衬!