築地日本料理 (結志街) (已結業)

中环除咗系商业集中地，亦都系美食嘅集中地， 地铁站五分钟路程就可以到到嘅筑地日式料理店,  绝对系假日好去处。 适逢今日星期六，谂住食完午餐去附近嘅景点PMQ行,  所以就嚟到佢附近呢一间特色食肆。 成间舖头好友日本情怀， 无论系墙上或系台面都贴住好多 动漫海报，绝对系打卡热点。 而且餐厅环境舒适， cp值又高， 绝对系同朋友聚会嘅好地方。佢嘅午餐定食十分抵食我哋拣咗两个午市套餐。 极上三色丼定食，  有带子，三文鱼，鱼籽同油甘鱼，刺身十分新鲜， 带子饱满鲜味， 三文鱼同油甘鱼亦都好鲜甜，配寿司饭食，绝对一流， 而且份量足料大碗，刺身亦绝对唔系得几件， 十分抵食。原条蒲烧鳗鱼饭定食， 鳗鱼饭好多日式店都有，但系呢间竟然系原条嘅蒲烧鳗鱼咁就好少见，通常其他食店都系畀两三件， 而且收费亦都十分贵，但呢间就超级大条，十分抵食， 鳗鱼汁亦都十分鲜味，配饭食绝对一流。跟餐仲有每人一碗味噌汤， 味道亦都唔错。除咗定食套餐我哋仲叫咗一个小食， 就系猪软骨串烧， 猪软骨较多刚刚好，而且十分脆口， 十分值得推介。