三一餃子 (利源西街)

营业中

休息中

💛去中上环行完大馆、PMQ、石板街，又系时候医医肚。食厌咗西餐Cafe酒吧，想食啲贴地啲嘅嘢，呢间就啱晒喇。利源西街巷仔入面有间四四正正嘅人气饺子店，今日就去试一试。饺子套餐蒜芯猪肉饺(煎)+豆浆虾皮汤米线😀饺子煎得香脆。😬饺子调味偏淡。食到蒜香但冇想像中咁浓。豆浆虾皮汤好香豆味但就欠鲜甜，米线都唔够爽。姜葱猪肉饺(汤)+鲣鱼昆布汤米线😀饺子姜葱味突出。鲣鱼昆布汤浓郁，比豆浆虾皮汤更出色。😬份量较少。总结：饺子味道不过不失，胜在款式多，可以试吓特色啲嘅饺子。正常米线份量会偏少，系轻营OL一餐嘅份量。男士可能要拣返多米线先够饱。呢个价钱喺中上环食一个lunch，性价比算系好高喇。🤫