阿麥廚房 (已結業)

今日去铜锣湾行下街，顺便揾下食咩。行经加路连山道，记得之前食过呢间阿麦厨房，好食嘅梗系要一试再试啦。餐厅设计好靓，好有情调。晚餐有前菜、汤、主菜同饮品。蟹肉南瓜忌廉汤，丝丝嘅蟹肉配鲜甜嘅南瓜，好浓好香好滑。龙虾汤汤，味道浓郁，好creamy。香煎法国鹅肝配焦糖酒醋蓝莓，鹅肝煎得香脆，油脂十足，入口即溶，配上焦糖酒醋蓝莓减轻鹅肝嘅油腻感。烟三文鱼黑鱼子蛋白沙律，口感清新，加上黑鱼子味道非常独特。德国式烧咸猪手，猪手皮脆卜卜，肉十分滑嫩，非常入味，十分细心已将肉切件，食起来十分方便，可埋秘制酱汁，仲有香脆嘅薯条同沙律菜。黑鱼子面包蟹意大利饭，意大利饭非常干身，加上大量蟹肉及黑鱼子，味道非常配合。最后配上两杯香浓嘅咖啡，而且卖相非常吸引，绝对系完美嘅一餐。