野豬會 (已結業)

返工见到有人派传单，知道有新餐厅开， 揾埋同事试下，位置真系有啲隐蔽， 都揾左一阵。地方唔算大，不过环境都算舒服，有露天茶座feel, 周围有的树包围住。野食都唔错，叫左个all day breakfast, 牛角包系有惊喜，上碟既时候系微暖既，松软有好香牛油味，炒蛋就ok 啦，同事就叫左日式咖喱猪排饭，份量好足，猪排好脆，佢坐对面食都听到咬落去脆卜卜既声，不过同事话偏甜。可能新开无咩人知， 仲唔驶等位，可以一试。 或者放工过黎happy hour 下，我谂都唔错。