壽定食屋

营业中

休息中

荔枝角系香港嘅工业区，之但系工业区除咗男人的浪漫，仲有实惠高质嘅和式料理呢！位于荔枝角工业中心地库美食广场嘅寿定食屋，虽然位置隐世，但餐厅出品用心有惊喜，加上价钱经济实惠，深受附近街坊及打工仔喜爱呢！日本盐昆布土佐汁椰菜沙律饮食均衡当然食返碟菜嚟平衡下，虽然呢个沙律技巧唔多，但酱汁方面都感受到店家下咗心思。店家用咗比较少见嘅盐昆布，加上带甜嘅土佐汁作为调味，令到平平无奇嘅椰菜沙律变得惊喜万分。日式煮萝卜越简单嘅食材先越显示到店家嘅真本领！日式煮萝卜虽然系一道日本常见嘅家常𩠌，但餐厅制作亦不马虎。相信萝卜用咗唔少时间烹调，所以煮得非常入味又清甜。日式厚切吉列黑豚猪扒汤乌冬吉列黑豚猪扒炸到外皮松脆，而猪扒虽然带有一层脂肪，但食落去唔会太油腻，反而令肉质保持鲜嫩，够晒juicy。至于乌冬嘅汤底用上猪骨，再经过六小时熬制，汤底非常香甜。最后，赞岐乌冬够晒滑溜，𠽌一声就入口喇！南国元气唐扬炸鸡定食唐扬炸鸡嘅炸浆非常薄身，只系轻轻包住鸡肉，但仍然非常香脆，而鸡肉炸完后依然保持嫩滑，够晒juicy！而每个定食都会有两款前菜附送，而今日嘅前菜竟然系主菜常见嘅天妇罗！天妇罗茄子同天妇罗秋葵，炸到金黄色，