泰東

营业中

休息中

元朗嘅人气餐厅同美食，第一时间可能谂起大马路一带，但如果揸车嘅话，相信都领教过揾车位嘅难题。嚟到远离大马路嘅泰东，餐厅提供大量泊车位，绝对系驾驶人士嘅喜讯。另外，餐厅分为室内同室外，设计布局具泰式风情，加上出品有惊喜，就算做步兵都值得一访。泰国鲜虾甘柚沙律前菜拣咗泰国鲜虾甘柚沙律，估唔到份量十足，劲多大虾，非常鲜甜弹牙，加上微酸嘅甘柚，绝对系开胃嘅选择。印尼沙嗲呢个印尼沙嗲，有齐猪、牛、鸡，串烧火候啱啱好，带有微微焦香，而肉汁得以保持，但讲到沙嗲，最正当然系非常惹味嘅沙嗲酱。冬荫功虾汤食泰菜点会唔叫冬阴功汤呢？虾同秀珍菇嘅份量相当多，够晒抵食。冬阴功嘅酸辣调味啱啱好，够晒醒胃。六宝煲仔饭估唔到主打泰菜嘅泰东，煲仔饭同样出色。六宝包括虾干、濑尿虾干、银鱼仔、腊肠、润肠同埋腊肉。一打开煲盖就香味扑鼻，将豉油加落去饭上面之后，冚盖等多一阵煲边就充满着饭焦，香脆可口。芒果糯米饭黑糯米口感非常黏弹，加埋细嫩多汁又鲜甜嘅芒果，食住呢个饭后甜品作为ending真系一流。