名 料理 (已結業)

同一般闹市大街高级日本料理唔同，名料理位处远离尘嚣嘅大尾督，附近有大量车位，十分方便，食完仲可以去坝散下步睇星星，男女朋友去真系一流！食物质素有惊喜，鱼生飞机送港，非常新鲜，质素比放题高，但当然价钱都较高，适合负担到又咀刁嘅食家。甲罗烧亦有惊喜，鲜味十足，啖啖蟹膏。烧羊架、牛柳粒又juicy腌得又够味，烧三文鱼头鱼油甘香，不论生野同烧物都系高水准发挥。饮品方面有靓日本gin “六”等选择，包罗万有。小编揸左车，试左杯荔枝梳打，都沟得好饮！最后食左个炒乌冬，火候十足，落够海鲜配料，每个细节都计算得岩岩好！整体环境一流，有户外户内，室外晚上凉凉地格外有情调，仲系宠物友善餐厅，老板娘都好好倾好殷勤，一众热爱游车河车友或单车友踩完单车不妨一试！