山海 (已結業)

去马鞍山探朋友，朋友带咗去试呢间新开嘅日式料理餐厅，环境食物同服务都相当不错！.🐟 原条池鱼刺身 $188原条池鱼刺身分为薄切同厚切，摆盘非常考究。池鱼肉质细滑爽甜，薄切细味鱼肉鲜味，厚切突出鱼肉肥美，炙烧过更富油香，两种食法两种风味。搭配清新嘅葱花柚子汁，唔会抢走池鱼本身嘅味道，更加提升鲜味。.🍣 寿司「梅」$338有12款不同嘅手握寿司：墨鱼、牡丹虾、帆立贝、松叶蟹爪、油甘鱼、平目鱼、真鲷，缟鲹、自家制厚玉子、中拖罗、大拖罗、加拿大海胆。每款寿司嘅刺身都大件厚身，用料新鲜。拖罗肥美无渣带鱼油脂香，牡丹虾及带子鲜甜弹牙，海胆滑溜味浓，松叶蟹爪啖啖鲜味，非常丰富！.🦪 广岛蚝杂炊 $108份量唔系好大但用料十足，入面有满满嘅鲜冬菇同5只肥美饱满嘅广岛蚝。杂炊口感介乎于泡饭和粥之间， 绵密鲜味，伴入鸡蛋更加香滑。.总括而言：餐厅装潢走雅致日式风格，环境宽敞舒适。料理选择都几多，有前菜沙律、刺身、寿司、烧物、天妇罗、海鲜丼等等。食物用料新鲜高质，去开马鞍山不妨一试(●'◡'●)ﾉ