美談韓國 (已搬遷) 新店位置

今次系第二次黎呢间韩国餐厅，上次系食午市套餐，几十蚊石锅饭，已经觉得好正，今次再黎食晚饭，真系唔写食评都唔得！想食正宗韩国人主理既餐厅，唔一定去尖沙咀韩国街，东涌呢间一样食到韩国地道高质口味，而且价钱抵食好多，样样都只系几十，而且韩国老伯伯老板好亲民，虽然唔识讲中文沟通唔到，但佢会过黎用身体语言打招呼😂呢间隐藏系康文处辖下公园内既餐厅，唔知道系唔会专登行入去，好彩有东涌朋友介绍先识得揾到入黎！由于冇乜人知，所以唔会话客满兼唔限时间，装修整洁简约，如坐近览车站既坐位可以见到览车系隔离出出入入😎入正题讲食物先😛我地四人点左六样菜。每样菜都好高质。店员端上泡菜…有7款之多，全由韩国亚珠妈泡制，非一般出面集团式既泡菜得个咸字。