八海山

营业中

休息中

间唔中都会去宝勒巷附近觅食，今次同朋友试咗呢间日本居酒屋。无论环境装修、餐牌、食物都好有日本feel，唔怪之得见咁多日本人帮衬。🍣🍣什锦鱼生 - 卖相劲吸晴，有海胆（配埋青瓜，真系好正宗）、吞拿鱼、三文鱼、牡丹虾、帆立贝、鱿鱼等等。好新鲜，真心正。🐔🐔南蛮炸鸡 - 炸鸡粉浆唔会太厚，入口好香脆。鸡肉质鲜嫩，点埋酱料一齐食，好惹味。🐥🐥明太子玉子烧 - 蛋味好香，入面嘅明太子劲足料，连埋木鱼丝一齐食，口感好丰富。🐮🐮铁板蒜片牛肉粒 - 牛肉粒好淋好嫩口，配搭蒜片，既香又惹味。🐂🐂牛肠锅 - 店员推介下第一次食牛肠锅，估唔到咁有惊喜。牛肠好滑，入口爽脆。据闻牛肠锅好受日本人欢迎，又真系整得几好食。🥢🥢冷乌冬- 天气炎热，食个冷乌冬真系一流。乌冬质地好烟韧滑溜，点埋酱汁，简单得来好味。🍨🍨甜品我哋要咗芝麻同绿茶雪糕各一，特别要赞下芝麻雪糕嘅芝麻味好浓郁，两个口味都唔会太甜。🇯🇵🇯🇵餐厅环境真系好有日式风味，坐得舒服，店员亲切有礼，食完当去咗转日本。