激安燒肉工房 X 大眾燒肉酒場 (已結業)

餐厅装修风格浓浓日式风味，同其他连锁餐厅唔同，餐厅外观相对低调。上星期同左我细佬过黎试试🫶我地点左好多野食，样样都想食一唔小心就点多左🫶所有和牛都好高质的，就连沙巴当同千本筋呢d稀有部位都有得点。而我地最钟意嘅系沙巴当，嫩滑，油脂丰富而肉味香浓。盐葱火炙和牛亦系必试，呢道系席前料理，店员会用火枪烧熟，再卷入葱花。另一道唔可以错过嘅系免治和牛三文治，同传统口味唔同以免治和牛取代牛扒。烘到金黄色嘅面包酥脆可口，免治和牛意想不到嘅嫩滑多汁，加入黑松露蛋黄酱令味道更突出。餐厅气氛轻松，枱亦够阔够大，通风亦唔错。店员服务周到，非常细心地讲解食物部位同点烧。今餐我地都好满意👍👍