影片
更多
2023-01-13
41 浏览
今晚好难得约到我出去港岛区食饭，所以朋友话一于要食好d，带左我去天后水星街嘅蚝湾到食饭。蚝湾出名主打生蚝海鲜😍😍岩晒我依类又要食又唔想肥嘅人，大量优质蛋白质，今次我地叫左10只生蚝、北海道带子、法国蓝虾、北海道活赤贝、清酒蒜蓉煮活蚬汤、龙虾忌廉意粉1.生蚝、北海道带子、法国蓝虾、北海道活赤贝由于我地想样样试下，所以系散叫，职员好耐心讲解每一只蚝嘅特别地方，由于花多眼乱，最后职员推介左Tia Maraa Pearl、Speciales Lambert、Krystale、La Perle Noire同Gillardeau，上枱时，已依晒次序，又淡至浓味摆放😍生蚝每只都系即开，非常新鲜，而且啖啖肉，我最钟意系Gillardeau，味道够浓之外，佢仲要好大只，同我朋友块面差唔多大😂北海道带子，够晒肥美肉厚，非常鲜甜😋北海道活赤贝，切埋花，食落鲜甜爽口，唔驶点酱汁都已经好好味，好唔舍得吞😋法国蓝虾实肉弹牙，好鲜味，而且仲有膏，正呀😋😋2.清酒蒜蓉煮活蚬汤依个冇得顶，蚬肉够晒大唔在讲，汤十分出色，蚬嘅鲜甜落晒汤到，每啖汤都十分鲜甜味美，连我唔食蒜嘅朋友都食唔停口，而且蚬肉食落仲系好嫰滑冇煮到老，饮
今晚好难得约到我出去港岛区食饭，所以朋友话一于要食好d，带左我去天后水星街嘅蚝湾到食饭。
蚝湾出名主打生蚝海鲜😍😍岩晒我依类又要食又唔想肥嘅人，大量优质蛋白质，今次我地叫左10只生蚝、北海道带子、法国蓝虾、北海道活赤贝、清酒蒜蓉煮活蚬汤、龙虾忌廉意粉
1.生蚝、北海道带子、法国蓝虾、北海道活赤贝
由于我地想样样试下，所以系散叫，职员好耐心讲解每一只蚝嘅特别地方，由于花多眼乱，最后职员推介左Tia Maraa Pearl、Speciales Lambert、Krystale、La Perle Noire同Gillardeau，上枱时，已依晒次序，又淡至浓味摆放😍生蚝每只都系即开，非常新鲜，而且啖啖肉，我最钟意系Gillardeau，味道够浓之外，佢仲要好大只，同我朋友块面差唔多大😂
北海道带子，够晒肥美肉厚，非常鲜甜😋
北海道活赤贝，切埋花，食落鲜甜爽口，唔驶点酱汁都已经好好味，好唔舍得吞😋
法国蓝虾实肉弹牙，好鲜味，而且仲有膏，正呀😋😋
2.清酒蒜蓉煮活蚬汤
依个冇得顶，蚬肉够晒大唔在讲，汤十分出色，蚬嘅鲜甜落晒汤到，每啖汤都十分鲜甜味美，连我唔食蒜嘅朋友都食唔停口，而且蚬肉食落仲系好嫰滑冇煮到老，饮完真系好满足🥰🥰🥰🥰
3.龙虾忌廉意粉
忌廉汁煮得够晒creamy，食落又唔漏，意粉又煮得岩岩好冇过火，而且龙虾味浓肉厚，大啖肉落口，就系色香味俱全，食到停唔到口😋😋😋
整体黎讲食物质素非常高，海鲜又新鲜即开，依间餐厅一定要返转头再食多次先得😋😋😋😋
张贴
