Second Bite Bar & Grill (已結業)

Second Bite已经变左我其中一间饭堂，因为无论餐厅格局或者食物质素我都好喜欢。虽然Second Bite喺长沙湾，但系非常适合驾车人士去，因为餐厅门口或者附近都有好多地方泊车，所以好方便。重工业风既装修加上一幅幅装在墙上既璧画充满左文青既气息，有舒适自在既感觉。餐厅基本上分两部分，一边系享用食物，如果净系想饮杯酒餐厅都有酒吧部分。餐厅食物质素非常之高，今晚order左美国顶级牛板腱同手抓海鲜总汇。先讲个牛板腱，7成熟我觉得反而啱啱好，因为呢个部分太生会食唔到juicy既口感，餐厅处理得好好，食落好有口感，牛味劲重但又唔会韧，牛肉质素非常高，配菜既茹都好香口，强烈推荐。令外手抓海鲜总汇，包括虎虾，大蚬，青口，墨鱼仔，秋葵，西兰花同粟米。首先份量都好多，虎虾同蚬都劲大只，柠檬蒜蓉汁非常夹呢道菜，令海鲜既香口又保留鲜味，好好味！