影片
更多
2023-04-27
2417 浏览
2023年4月14日 星期五今日带左BB去科学园玩，好好享受最后一日假期既亲子乐，夜晚就直接系埋科学园食埋饭先返屋企，无谂到依家科学园多左咁多餐厅我哋选择左呢一间西餐厅，网上见到评价唔错，而且去到嘅时候仲未到食饭时间，所以餐厅唔算太多人，但系当入座坐咗一阵之后，成间餐厅都坐满客人，出面仲需要等位添餐牌上面有好多款食物可以选择，价钱都唔算太贵，除咗全日早餐同三文治之外，仲有儿童餐可以俾小朋友，所以我哋点咗一个小食，两个主菜同儿童餐，仲有饮品同甜品，店员都话足够我哋三个人食等咗大约10分钟左右，饮品就首先送到，左边系老婆要既芒果益力多梳打，卖相几靓，老婆话饮落去酸酸甜甜几开胃，至于有手边就系我要嘅青柠梳打，同样地酸酸地几清新，而且够晒冰冻再嚟有BB嘅儿童餐，冇谂过咁丰富，除咗有炸鱼薯条之外，仲有炸鸡宝同蕃茄肉丸意粉，至于甜品就系啫喱糖，BB完全食唔晒，足够一个大人食都得，炸薯条同炸鸡宝都炸得好香脆，炸鱼甚至系做到外脆内嫩，一啲都唔马虎呢个系蕃茄蓉肉丸阔条面，肉丸除咗份量多之外，仲好大粒，一咬落去肉汁即刻流晒出嚟，而且肉味好浓郁，阔条面弹牙之余仲好挂汁，每一啖都食到蕃茄味，啱晒钟意食蕃茄嘅老
今日带左BB去科学园玩，好好享受最后一日假期既亲子乐，夜晚就直接系埋科学园食埋饭先返屋企，无谂到依家科学园多左咁多餐厅
我哋选择左呢一间西餐厅，网上见到评价唔错，而且去到嘅时候仲未到食饭时间，所以餐厅唔算太多人，但系当入座坐咗一阵之后，成间餐厅都坐满客人，出面仲需要等位添
餐牌上面有好多款食物可以选择，价钱都唔算太贵，除咗全日早餐同三文治之外，仲有儿童餐可以俾小朋友，所以我哋点咗一个小食，两个主菜同儿童餐，仲有饮品同甜品，店员都话足够我哋三个人食
等咗大约10分钟左右，饮品就首先送到，左边系老婆要既芒果益力多梳打，卖相几靓，老婆话饮落去酸酸甜甜几开胃，至于有手边就系我要嘅青柠梳打，同样地酸酸地几清新，而且够晒冰冻
再嚟有BB嘅儿童餐，冇谂过咁丰富，除咗有炸鱼薯条之外，仲有炸鸡宝同蕃茄肉丸意粉，至于甜品就系啫喱糖，BB完全食唔晒，足够一个大人食都得，炸薯条同炸鸡宝都炸得好香脆，炸鱼甚至系做到外脆内嫩，一啲都唔马虎
呢个系蕃茄蓉肉丸阔条面，肉丸除咗份量多之外，仲好大粒，一咬落去肉汁即刻流晒出嚟，而且肉味好浓郁，阔条面弹牙之余仲好挂汁，每一啖都食到蕃茄味，啱晒钟意食蕃茄嘅老婆
呢一个系爱尔兰健力士牛肉批，第一次喺香港尝试，之前都只系喺外国食到，一切开酥皮，即刻有烟走出嚟，热辣辣，酥皮点埋酱汁一齐食好夹，而且牛肉同红萝卜都焗到好腍，唔需要用刀切都切得开，完全系高水准之作，强烈推荐！！
小食方面有脆炸鱿鱼圈，份量都几多，而且炸浆好薄又唔太油腻，加左柠檬汁同沙律酱点埋一齐食味道更加好，而家突出鱿鱼嘅鲜味
最后甜品有传统鲜柠檬挞，柠檬味好突出，酸酸地，可以中和晒刚才食物既肚滞感，而且上面嘅忌廉唔会太过甜，整体味道好平衡
食咗咁多嘢埋单都只系六百几蚊，性价比好高，而且份量真系好多，我哋三个都食到好饱！！
张贴
