河內大娘越南餐廳 (已結業)

寻晚去开尖沙咀，突然想食越南菜，见到附近有呢间越南菜餐厅，就同朋友入去食下啦。大娘秘制牛油鸡中翼 $49有四大只，外脆内软，啱啱炸起，咬落去啲肉汁即刻爆出黎。牛油味超香，好好食。芒果鲜虾米纸卷 $79有四大件，每件都比起平时啲米子卷大件好多，系几倍嘅size。每件米纸卷入面都有芒果、好大量嘅檬粉同埋一只大虾，点埋酱汁之后感觉好清新。奥班马粉 $89我问店员点解呢个叫做奥巴马粉，店员话原来系因为奥巴马喺越南食过呢种粉。呢个粉几得意，同平时啲捞檬唔同嘅系佢有一大碗酱汁比我地逐少逐少咁放啲面入去食，好似食紧日式沾面咁。香茅猪肉超好食，好滑，同埋真系腌得好好味。扎肉都好弹牙好好食。蒜蓉包（三件）$24系法包加上蒜蓉牛油。蒜蓉牛油味好香，法包外脆内软好好食。食到舔舔脷。咸柠梳打 $29咸咸地，又唔会好甜，几好。青柠梳打 $29呢个系朋友饮嘅，我饮咗一啖，觉得青柠味好香好正。呢间越南菜有惊喜，可以下次再食。