影片
更多
2019-04-01
72 浏览
入嚟元朗同朋友行街、睇戏、食饭，山长水远入到嚟，梗系要食好啲。 最后决定去食铁板烧，就喺B仔凉粉附近。睇睇餐牌，店员推介「铁板烧厨师发办」，话会食到好多道菜品㖞。 简单一个价钱$1280一位，但无写明详情。 哈！ 过瘾！ 铁板烧都有厨师发办，都系第一次试。先嚟开胃沙律，特别在佢上面加左荞头，真系好开胃。跟住系铁板蒸蛋，第一次见，细细杯，蛋够嫩滑，上面有黑松露同三文鱼籽。北寄贝新鲜爽甜。青柳贝香甜爽脆。带子用左柚子胡椒同竹碳盐调味，几特别。金雕系用锅烹调，做法有啲奇怪，似半煎炸。 点知做出嚟鱼鳞竟然好松脆，可以连埋鱼肉一齐食，真系正！ 伴以海胆松露忌廉酱同紫苏花。紫苏花系紫苏嘅花，紫色细细朵几靓，但又有紫苏叶味，未试过，今晚长见识了！粒贝上面加左炒香嘅乌鱼子，带有咸香味道。跟住龙虾出场，一放上去只龙虾跳跳扎，果然新鲜。 倒出龙虾膏煮成酱汁，再连埋龙虾肉一齐炒，超掂呀！公鱼可以原条食。清酒煮蚬啲蚬好鲜甜，个清酒汤吸收晒啲鲜味，全部俾我饮晒。鹅肝多士上面加左苹果酱，最后食埋啲水果，双种解油腻。高质佐贺和牛，牛味浓郁，油脂丰富。 系正，但食多两旧会觉得好腻吓。鱼汤系我全餐饭至爱，用左好多种鱼
睇睇餐牌，店员推介「铁板烧厨师发办」，话会食到好多道菜品㖞。 简单一个价钱$1280一位，但无写明详情。 哈！ 过瘾！ 铁板烧都有厨师发办，都系第一次试。
先嚟开胃沙律，特别在佢上面加左荞头，真系好开胃。
跟住系铁板蒸蛋，第一次见，细细杯，蛋够嫩滑，上面有黑松露同三文鱼籽。
北寄贝新鲜爽甜。
青柳贝香甜爽脆。
带子用左柚子胡椒同竹碳盐调味，几特别。
金雕系用锅烹调，做法有啲奇怪，似半煎炸。 点知做出嚟鱼鳞竟然好松脆，可以连埋鱼肉一齐食，真系正！ 伴以海胆松露忌廉酱同紫苏花。紫苏花系紫苏嘅花，紫色细细朵几靓，但又有紫苏叶味，未试过，今晚长见识了！
粒贝上面加左炒香嘅乌鱼子，带有咸香味道。
跟住龙虾出场，一放上去只龙虾跳跳扎，果然新鲜。 倒出龙虾膏煮成酱汁，再连埋龙虾肉一齐炒，超掂呀！
公鱼可以原条食。
清酒煮蚬啲蚬好鲜甜，个清酒汤吸收晒啲鲜味，全部俾我饮晒。
鹅肝多士上面加左苹果酱，最后食埋啲水果，双种解油腻。
高质佐贺和牛，牛味浓郁，油脂丰富。 系正，但食多两旧会觉得好腻吓。
鱼汤系我全餐饭至爱，用左好多种鱼同加左头先嘅龙虾头同壳去熬，超水准，可惜无得添，我可以饮到几碗架！
炒饭同炒杂菜好饱肚。
甜品系哈蜜瓜同焦糖大福。
估唔到元朗有咁出色嘅铁板烧，只系有点隐闭，好彩有地胆带路啫。 全晚食左好多道菜品，饱到要捧住个肚走添！ By the way，呢间系我食过最好味嘅铁板烧！
张贴
