Catee (已結業)

今晚去荃湾揾朋友晚饭，佢一早book咗呢间餐厅。我哋嚟得比较早，后尾到八点都基本满座，建议book咗位先去。餐厅嘅装修比较有格调同气氛，适合约会同三五知己。加上佢有吧枱，好适合摸杯底谈心。最特别嘅地方，有好多猫嘅装饰，墙上面挂住嘅画，都系由猫咪充当名画嘅主角，好搞怪同有趣。餐汤：蘑菇汤橄榄油醋点黑炭包，呢个食法系第一次试，觉得几特别，同埋都几开胃，酸酸的。美国安格斯牛板胛虽然我唔知呢个系咩部位，同埋我都系第一次试，点左五成熟。一摆低，就已经闻到烤肉香味，牛板胛脂肪唔多，咬落去肉质嫩滑 ，口感扎实，但唔会难咬，系冇筋嘅。好味，推荐！牛油果竹炭汉堡伴软壳蟹大啡菇呢个餐份量好大，两个女仔share，都食得劲饱。先讲汉堡，汉堡扒肉汁丰富，配上牛油果沙律，加咗清新嘅感觉，同埋心理觉得健康左再讲大啡菇，上面系有一整只软壳蟹。薯皇唔使讲，我最钟意，热辣辣又好味呢set真系好抵食餐饮西柚汁同菠萝汁，西柚汁系我嘅，系鲜榨果汁嚟，酸酸咁又消暑又开胃。跟餐甜品系咖啡蛋糕，食完就够晒满足啦 整体来讲，餐厅食物质素不俗，特别系牛板胛，真系几出色。而服务态度都系好贴心嘅，加上装修睇得出好有心机同几靓，不枉我特登入