影片
更多
2020-11-15
3007 浏览
本身请假谂住去大埔海滨公园玩一日，但系出现种种状况搞到心情变差，所以决定食返餐好既黎补偿返😤 揾到哩间位于大埔住宅区既隐世omakase，于是决定去试一试。我同男友都系拣左$650既lunch set，包含左茶碗蒸、4款刺身、一款烧鱼料理、8贯寿司、手卷、汤同埋甜品，所有料理都系根据而家哩个季节既时令食材而制定，上菜次序亦有精心安排过，由淡味到浓味，食既过程会感受到师傅既用心，会根据我地既口味同进食时间黎作出调整，加上环境舒适、服务态度好、卫生亦做得好足，成个用餐体验都好享受😌😌😌*,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*« $650 lunch set »🍵 茶碗蒸面头有少少海带汁，蛋嫩滑而且有鲣鱼汤既香味，用料有冬菇、元贝、鸡肉等等，属正常发挥🐟 真鲷刺身味道鲜甜，肉质比较爽弹🐟 鳕鱼白子经过同师傅了解之后原来系鳕鱼既精巢。夹起黎滑潺潺，口感亦都好嫩滑而且超级creamy同浓稠，哩度菜未必个个都接受到，可能因为我唔系太肚饿既状态下去食，所以佢既口感同埋浓郁既味道都令我觉得有啲漏🤔 但系我男朋友就好钟意。睇得出师傅有刻意用柚子酱油配搭 加上细葱同辣
*,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*
« $650 lunch set »
🍵 茶碗蒸
面头有少少海带汁，蛋嫩滑而且有鲣鱼汤既香味，用料有冬菇、元贝、鸡肉等等，属正常发挥
🐟 真鲷刺身
味道鲜甜，肉质比较爽弹
🐟 鳕鱼白子
经过同师傅了解之后原来系鳕鱼既精巢。夹起黎滑潺潺，口感亦都好嫩滑而且超级creamy同浓稠，哩度菜未必个个都接受到，可能因为我唔系太肚饿既状态下去食，所以佢既口感同埋浓郁既味道都令我觉得有啲漏🤔 但系我男朋友就好钟意。睇得出师傅有刻意用柚子酱油配搭 加上细葱同辣萝卜蓉去平衡返白子既creaminess，整体哩讲都系几特别几一道菜
🐟 秋刀鱼刺身
宜家正正系秋刀鱼既当造时间，每一啖除左系秋刀鱼超级新鲜既鱼香味之外仲有其他季节秋刀鱼冇既油脂香味，同时口感比平时更加嫩滑，哩啲先系真正既“时令”秋刀鱼，满足感💯🤤 而且因为食材非常新鲜一啲腥味都冇，唔需要好似平时咁用姜蓉同葱去癖腥，只需要用少少姜汁去吊味。
🐚 带子
大大粒，味道非常鲜甜，带子本身有喺酱油入面浸泡一段时间，烧过之后更加香口。用黎包住既紫菜非常爽脆，入口脆到即刻碎开，好满足
🐟 烧吞拿鱼下巴
面头个一大片系鱼皮，烧到超级脆口，食落似厚身既薯片咁，不过有少少幼骨同鳞片。因为系下巴位置，所以下面既肉有好丰富既胶质，同鱼肉融为一体，口感绵滑又充满鱼油，啖啖鱼香味。由于属于比较重口味，师傅建议可以食完之后先再食旁边既山桃，酸酸甜甜既味道用黎reset一下味蕾准备黎紧一系列既寿司
🍣 深海池鱼寿司
爽口鲜甜，鱼味清香
🍣 黑鯥鱼
鱼皮轻微炙烧过，肉质弹牙但味道比较淡，比浸炙烧味盖过左鱼既味道，哩款寿司相对上冇其他咁出色
🍣 𫚕鱼
鱼味比上两款寿司浓郁，师傅喺面头用刀画左啲交叉纹，介开鱼既纤维，令口感变得好有质感
🍣 吞拿鱼赤身
经过酱油浸过既吞拿鱼令口感变得软滑，少左吞拿鱼本身既酸味，鱼味更加浓郁
🍣 大吞拿鱼腩
油脂极多而且分布平均，有鱼油香但又不失吞拿鱼本身既鱼味，唔系一味肥腻既味道
🍣 北海道马粪海胆
海水同甘香味唔算话好浓郁，但系超级超级鲜甜！而且冇觉得好腻既感觉
🍣 牡丹虾
有别于平时食到既虾寿司，师傅将虾膏经过处理再放上虾刺身上面，味道非常香浓，虾本身爽口鲜甜，咁既处理手法能够一口就食晒全只虾既味道，非常丰富
🍣葱吞拿鱼腩手卷
哩个手卷我同男友都觉得不得了👍师傅用吞拿鱼碎捞埋日本细葱、京葱、腌萝卜、酱油、白芝麻，外面包住既紫菜好香同好爽脆，每样材料突出之余又唔会盖过左彼此既味道，同埋依然保留返个鱼味作为个手卷既主角，味道同口感丰富得黎所有野都好well-balanced
🥚 玉子料理
哩款玉子既面头系比较半流质既，而中间既口感就比较软滑，最下面有煎香过，口感同味道都有啲似蛋糕，几特别
🥣 舞茸菇清汤
汤清澈见底，但充满菇既香味，冇其他浓味既配料或者材料，食完咁多款鱼味香浓既料理，最后用一款清汤作结，感觉圆满😌
🍦 苹果雪葩
甜品口味亦都比较fresh，苹果味一啲唔假而且好清香，甜左少少但可以接受
✍️ 𝓞𝓿𝓮𝓻𝓪𝓵𝓵 𝓻𝓪𝓽𝓲𝓷𝓰𝓼 ✍️
ᴛᴀsᴛᴇ ⇢ 𝟾.𝟻/𝟷𝟶
ᴅᴇ́ᴄᴏʀ ⇢ 𝟾/𝟷𝟶
sᴇʀᴠɪᴄᴇ ⇢ 𝟾/𝟷𝟶
ʜʏɢɪᴇɴᴇ ⇢ 𝟾/𝟷𝟶
ᴠᴀʟᴜᴇ ғᴏʀ $$ ⇢ 𝟽/𝟷𝟶
*,.▤‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥▤,.*
116 浏览
0 赞好
0 留言
138 浏览
0 赞好
0 留言
100 浏览
0 赞好
0 留言
张贴
