影片
更多
2021-08-22
235 浏览
又到庆祝特别日子，系omakase关注组见到好多朋友都推介呢间餐厅，于是就黎试吓啦！餐厅喺希云街嘅尽头，我哋都揾路揾咗好耐。佢都真系有啲入。揸车嘅朋友亦都可以泊车喺门口，十分方便。餐厅地方阔落，经过玄关位，左边去食铁板烧，右边系食omakase。餐厅用木作风格，一如既往，师傅会询问客人嘅喜好。而侍应亦好快手送上餐牌，今次拣嘅系murasaki sushi ($540)。首先就送上茶碗蒸同沙律。正正常常，冇咩太大特别。食完前菜，师傅就准备寿司。第一件系左口鱼。师傅话加咗青柠汁同柚子皮。左口鱼油脂丰富，配合青柠汁和柚子皮，带嚟一种清新嘅感觉，油而不腻。由于系第一件所以系最淡味嘅。第二件系深海池鱼司寿配炒木鱼花和白葱。相比起第一件寿司，我认为冇上一件为之惊艳，但系亦可见到师傅嘅心思。炒木鱼花为深海池鱼带来一种咸香。第三件系小肌鱼，上面配咗小小姜蓉。小肌鱼鱼味相对较浓，姜蓉可以中和浓味。第四件系北海道毛蟹，个人觉得比较出色。寿司入边仲有蟹膏，蟹肉鲜甜，唔会有霉嘅感觉。而且好足料，放入口成口都有蟹嘅味道。第五件系吞拿鱼后腹小卷。师傅完成后再三叮嘱要即刻食，不过个人认为比较普通。第六件系梳子鱼寿司
首先就送上茶碗蒸同沙律。正正常常，冇咩太大特别。食完前菜，师傅就准备寿司。
第一件系左口鱼。师傅话加咗青柠汁同柚子皮。左口鱼油脂丰富，配合青柠汁和柚子皮，带嚟一种清新嘅感觉，油而不腻。由于系第一件所以系最淡味嘅。
第二件系深海池鱼司寿配炒木鱼花和白葱。相比起第一件寿司，我认为冇上一件为之惊艳，但系亦可见到师傅嘅心思。炒木鱼花为深海池鱼带来一种咸香。
第三件系小肌鱼，上面配咗小小姜蓉。小肌鱼鱼味相对较浓，姜蓉可以中和浓味。
第四件系北海道毛蟹，个人觉得比较出色。寿司入边仲有蟹膏，蟹肉鲜甜，唔会有霉嘅感觉。而且好足料，放入口成口都有蟹嘅味道。
第五件系吞拿鱼后腹小卷。师傅完成后再三叮嘱要即刻食，不过个人认为比较普通。
第六件系梳子鱼寿司，呢款系季节限定。鱼身被火轻轻弹过。火炙逼出咗鱼本身嘅鱼油，但都不失其鱼香。
第七件都系季节限定，沙甸鱼寿司。上面配左三星渍，即系面豉，辣椒同芝麻。个人觉得比较特别，亦都系相对地少食嘅一款。
第八件系赤贝，上面加咗青柠汁。赤贝正常发挥，鲜甜弹牙。
第九件炙烧银鳕鱼寿司。亦都系个人比较钟意嘅一件。银鳕鱼非常嫩滑，鲜甜有油香。
第十件系拖罗寿司。师傅强调鱼系野生蓝鲸吞拿鱼。话虽系一件拖罗寿司但实际有三件拖罗。三件拖罗分别来自唔同部位，食入口唔会过于油腻，三位一体，既有鱼香亦有油脂感。
第十一件系帆立贝寿司，上面有粒贝柱。成件寿司可以用两个字形容：甜！大！
最后一件系海胆寿司。师傅话海胆有分两种，一种系赤海胆，另一种系紫海胆。我哋食嘅系紫海胆，口感相对creamy啲。
食完12件寿司后，就会有两旧玉子，侍应亦都会将绿茶转为麦茶。可以拣乌冬或荞麦面。我哋分别拣咗热食同冻食各一。个人认为冻食更好食，因为相对地更弹牙。另外仲会送上面豉汤。
最后可以选择咖啡或甜品。甜品有三款雪糕，分别系杏仁咖啡，白桃雪芭，同云呢拿。我哋拣咗头两个。
整体觉得呢个价钱，食到呢个质素，真系物超所值。
张贴
