更多
2021-05-06
905 浏览
#食在土瓜湾#支持小店屋企附近嘅茶餐厅都食过晒成日食lunch都唔知食咩好打开OpenRice睇吓有咩餐厅未食过啦就见到美景街嘅呢间「意轩」西餐厅落街去到门口就发觉原来间舖好细间我谂大约都只系得10个座位既然你到就入去试吓啦佢有几款每日精选,不过有我又拣唔啱于是就睇吓佢张点餐纸,最后我拣咗个最简单嘅Carbonara ,本身谂住点杯咖啡饮,不过老细话只供应餐汤或者汽水,咁见天口热就唯有饮汽水啦~呢碟卡邦尼意粉 老实说卖相就唔系非常之吸引,佢唔系我想像中嘅传统捞蛋浆嘅carbonara,而系落cream嘅~不过呢食落系好有惊喜!首先佢意粉系处理得非常之好,煮嘅时间啱啱好,食到爽口烟韧的Al Dente口感!而佢嘅忌廉汁亦都食得出唔系罐头质素,相信系自己调制嘅,个汁入边仲食到有切到好细嘅洋葱粒同埋蒜片,增加香味!整体来讲成个意粉都好好味,如果芝士落返多啲就更加好喇😋 同埋餐厅做得唔好嘅位在于自由餐汤同埋汽水拣,不过可能得老板自己一个负责煮嘢食,同埋得一位年纪比较大嘅侍应(相信系老板嘅家父),未必兼顾到水吧~一路进餐嘅时候其实都发现入嚟帮衬嘅客人全部都系熟客仔,老板会记得客人嘅喜好,入到嚟又
#支持小店
屋企附近嘅茶餐厅都食过晒
成日食lunch都唔知食咩好
打开OpenRice睇吓有咩餐厅未食过啦
就见到美景街嘅呢间「意轩」西餐厅
落街去到门口就发觉原来间舖好细间
我谂大约都只系得10个座位
既然你到就入去试吓啦
佢有几款每日精选,不过有我又拣唔啱
于是就睇吓佢张点餐纸,最后我拣咗个最简单嘅Carbonara ,本身谂住点杯咖啡饮,不过老细话只供应餐汤或者汽水,咁见天口热就唯有饮汽水啦~
呢碟卡邦尼意粉 老实说卖相就唔系非常之吸引,佢唔系我想像中嘅传统捞蛋浆嘅carbonara,而系落cream嘅~
不过呢食落系好有惊喜!首先佢意粉系处理得非常之好,煮嘅时间啱啱好,食到爽口烟韧的Al Dente口感!而佢嘅忌廉汁亦都食得出唔系罐头质素,相信系自己调制嘅,个汁入边仲食到有切到好细嘅洋葱粒同埋蒜片,增加香味!整体来讲成个意粉都好好味,如果芝士落返多啲就更加好喇😋
同埋餐厅做得唔好嘅位在于自由餐汤同埋汽水拣,不过可能得老板自己一个负责煮嘢食,同埋得一位年纪比较大嘅侍应(相信系老板嘅家父),未必兼顾到水吧~
一路进餐嘅时候其实都发现入嚟帮衬嘅客人全部都系熟客仔,老板会记得客人嘅喜好,入到嚟又会同客人寒暄几句讲吓最近嘅生意点样!老板亦会按照客人嘅特别要求而调教意粉嘅口味等等,呢一切都系食物之中嘅人情味🥰
张贴