隱啡

营业中

休息中

今日放假，天气又转凉，所以迟迟都唔肯起身，一起身就想饮杯又热又香浓嘅朱古力，所以系屯门市广场行左一大圈，都系得连锁式嘅店舖，所以就上网揾吓，附近有咩隐世嘅小店... ...终于俾我揾到，就系新墟何福堂附近，点都行去试吓啦店舖位置不算偏远，都算静中带旺，店舖比较细，是小店形式，亦有咖啡豆及用品选购，而咖啡豆都有细包装，可试岩味先买大包😎店舖都有cake 🍪🎂🍰选择，店员会提意可供焗热，非常细心,而且店舖有好多特别新口味，竹炭，桂花，姜汁。。。要试晒都要嚟多几次热朱古力🍫～一心好想饮热朱古力，但又怕系朱古力粉冲开，咁就无意思啦，所以又想饮啡算啦，但又多口问店员，店员解释系用比利时朱古力酱＋粉调制，比一段香浓🥰🥰所以终于点了朱古力，虽然拉花不太靓，但味道无失望，又香浓又够甜，冬天必选👍🏿👍🏿可能天气关系，好快就冻晒，所以一、两啖就饮晒，饮完好舒服🥰🥰🥰