影片
更多
2010-02-28
18 浏览
11月20日, 今日同呀比走到西湾河揾食~ 估唔到太安楼除咗车仔面, 仲有一间咁有趣嘅西餐小店! 有趣在哪? 就系以蕉入馔!::: 白酒忌廉烟肉意大利粉 + 阿朱 ::: $50晚餐有多款选择, 部份意粉焗饭仲会加入香蕉做材料~ 不过今晚想食白汁意粉, 所以都系唔试蕉野住… 晚餐包括特浓杂菌忌廉汤, 卖相精致, 忌廉汤本身好厚身, 菌味香浓, 真系几好味!! 白汁烟肉意粉中规中矩~ 其实味道不错, 但意粉淋咗d… 最败笔系好地地一个意粉加咩翠玉瓜! 搞到中唔中西唔西… 味道亦唔太夹… 阿朱其实系餐饮~ 阿华田 + 朱古力!! 呢两样野都系我飞佛~ 竟然比佢地念到沟埋黎饮! 不过呢, 有创意又未必一定好味… 因为阿华田嘅甜味抢去唔少朱古力味, 唔知本身杯野系淡定点硬系两只味都唔突出… 可能是但一样会好饮d…::: 黑椒西冷牛扒鲜菇饭 + 香蕉朱古力 ::: $50谂住呢个应该都会好西式啦, 点知同忌廉烟肉意粉一样不中不西~ 卖相系一个茶餐厅都食到嘅黑椒牛柳丝饭, 黑椒系港式嘅黑椒汁, 叫牛扒但系唔知点解切晒丝~ 抵死嘅系又加咗翠玉瓜, 菇又系好中式… 唔系话佢唔好食, 味道比茶餐厅嘅黑椒
::: 白酒忌廉烟肉意大利粉 + 阿朱 ::: $50
晚餐有多款选择, 部份意粉焗饭仲会加入香蕉做材料~ 不过今晚想食白汁意粉, 所以都系唔试蕉野住… 晚餐包括特浓杂菌忌廉汤, 卖相精致, 忌廉汤本身好厚身, 菌味香浓, 真系几好味!! 白汁烟肉意粉中规中矩~ 其实味道不错, 但意粉淋咗d… 最败笔系好地地一个意粉加咩翠玉瓜! 搞到中唔中西唔西… 味道亦唔太夹…
阿朱其实系餐饮~ 阿华田 + 朱古力!! 呢两样野都系我飞佛~ 竟然比佢地念到沟埋黎饮! 不过呢, 有创意又未必一定好味… 因为阿华田嘅甜味抢去唔少朱古力味, 唔知本身杯野系淡定点硬系两只味都唔突出… 可能是但一样会好饮d…
::: 黑椒西冷牛扒鲜菇饭 + 香蕉朱古力 ::: $50
谂住呢个应该都会好西式啦, 点知同忌廉烟肉意粉一样不中不西~ 卖相系一个茶餐厅都食到嘅黑椒牛柳丝饭, 黑椒系港式嘅黑椒汁, 叫牛扒但系唔知点解切晒丝~ 抵死嘅系又加咗翠玉瓜, 菇又系好中式… 唔系话佢唔好食, 味道比茶餐厅嘅黑椒牛柳丝饭好味, 但系有少少估佢唔到… 香蕉朱古力比阿朱好, 有蕉味又唔会抢晒朱古力味, 值得一赞!
地点唔算难揾, 但就真系难入去~ 因为地方太迫夹, 而且要行少少楼落去的. 不过佢地服务态度非常好, 客人行出行入都会提佢地小心碰头, 亦会主动介绍菜式. 虽然地方真系细到只能用下4张台到, 但仍然装部电视仔比人睇~ 仲有杂志架~ 加上有创意嘅fusion食物, 我觉得系值得推介的!
张贴
