巧得鍋 (已結業)

观塘附近食lunch，试左间有啲隐秘既手工刀削面，健康好味！花胶鸡汤面本身系花胶鸡汤汤饭，但可以加$5转刀削面，见佢写日日香港新鲜制造，于是就转左刀削面底！面质感冇令人失望，口感弹牙，就算食得慢都唔会浸到冧哂。鸡肉斩件上，几滑同新鲜，份量斩唔少。大大条花胶，足料！汤底应该系清鸡汤再配左杞子圆肉，感觉健康滋润。鲜虾豚肉小云吞热拌刀削面小云吞同配菜份量几多，云吞鲜味，一啖一粒几方便，面皮又唔厚。拌菜仲有溏心蛋🧡同劲多青瓜丝，捞埋刀削面一齐食几好。酱汁口味拣左椒麻味，唔太辣，食完又唔会觉口渴。饮品叫左冻柠茶同热奶茶，一贯水准👍🏻下次再试佢其他茶饮先。现场餐台都几大张，我估鸡煲应该几滋味，不过减肥中，下次再试。