北海道爐端燒 (已結業)

周末朋友带咗我嚟呢一度，呢度系要上楼嘅一间居酒屋，普通人行街都唔会见到，但估唔到6:45上到嚟超级多人，直到走嘅时候仲见到好多人等位！烧蟹脚份量算几多，肉质都算好juicy 多汁，蟹味浓郁，几甜！啖啖蟹肉嘅感觉不错！炸鱿鱼好香脆！完全估唔到！炸粉唔算多唔算厚，咸咸地几惹味！炉端烧我哋要左一份珍宝烧带子，果然真系好大只，带子超级鲜甜美味！为带子好大粒嘅关系职员好细心将带子切开一片片，方便进食。寿司左一份鹅肝带子寿司同埋炙烧左口鱼裙边，寿司相对来讲质素冇咁惊喜，但配搭尚算新鲜。今日嘅烧蛏子亦都系超级大，好甜！成口都蛏子肉 ，又弹牙！好正！