影片
更多
2023-08-04
257 浏览
店如其名，主打鸡，星期日休息，想食嘅要留意。包括大热黄酒药饍鸡/花胶鸡浓汤。食过觉得番寻味，今晚去要排队，人龙都有成十几个，好彩最后唔驶等好耐就有位。上次试过黄酒药饍鸡米粉，今次就转第二款，胡椒浓汤鸡米粉 ($59)，相当大碗。最期待嘅时刻当然系饮头啖汤，想讲嘅系胡椒味相当浓，亦见到粒粒胡椒系汤内，比起胡椒猪肚汤，呢啖黎得辣中带甜味。饮完个人好舒服，饮咗佢差唔多半碗 (无味精)，搞到D米粉最后系食唔晒嘅。 鸡肉量亦唔多客气，啖啖肉，可能索咗汤嘅甜味，嫩滑之余亦够味道; 仲有少少木耳作配菜。仲有小食提供，叫客”失传已久的猪扒” ($28)，带点厚度嘅有骨猪扒，煎好就切开几件，方便易食。热度十足，外面带少少松脆，肉质相当松化，腌得相当入味，带少少微甜，用黎送汤米正呀。
包括大热黄酒药饍鸡/花胶鸡浓汤。食过觉得番寻味，今晚去要排队，人龙都有成十几个，好彩最后唔驶等好耐就有位。
上次试过黄酒药饍鸡米粉，今次就转第二款，胡椒浓汤鸡米粉 ($59)，相当大碗。
最期待嘅时刻当然系饮头啖汤，想讲嘅系胡椒味相当浓，亦见到粒粒胡椒系汤内，比起胡椒猪肚汤，呢啖黎得辣中带甜味。饮完个人好舒服，饮咗佢差唔多半碗 (无味精)，搞到D米粉最后系食唔晒嘅。
鸡肉量亦唔多客气，啖啖肉，可能索咗汤嘅甜味，嫩滑之余亦够味道; 仲有少少木耳作配菜。
仲有小食提供，叫客”失传已久的猪扒” ($28)，带点厚度嘅有骨猪扒，煎好就切开几件，方便易食。
热度十足，外面带少少松脆，肉质相当松化，腌得相当入味，带少少微甜，用黎送汤米正呀。
张贴
