泰馨 (已結業)

听为食猪讲呢度有个唔错嘅泰国嘢，如果唔系有人带路应该完全唔知呢度系餐厅。见门口写住只招待会员，黎之前记得要book位呀。打开menu选择虽然冇一般泰国餐厅多，但应有嘅都会有，好似仲有芒果糯米饭。menu上系冇价钱嘅，但放心，价格都几公道嘅。泰国罐装饮品: 见到冻柜入面有好多第一次见嘅泰国饮品，10蚊罐，拣左两款黎试下。分别有罗望子汁同芦荟蜂蜜饮品。罗望子汁都几特别，酸酸甜甜，杰杰哋咁，而另一罐就好麻麻，好似糖水入面加芦荟粒粒咁。 总括黎讲两罐都好甜下，下次饮返本地饮品算。鸡，猪串烧: 串烧烧得好香，鸡肉同猪肉都唔会烧得干争争，两款都咁好味。不过鸡要食到好味嘅猪串烧好似比较难，因为一般都会好干柴。另外佢嘅沙爹酱俾得好大方，大大碟，入面仲有唔少花生粒粒，不过沙爹味略嫌淡左少少。细小食拼盘: 有春卷，虾饼同鱼饼。春卷炸等香脆，入面有粉丝同猪肉等材料，不过不失啦。鱼饼都几烟un，亦有鱼味，同样不过不失。最有惊喜嘅系虾饼，系我地食过最好味嘅虾饼，因为真系食得到好鲜嘅虾味，唔会太油腻又几弹牙。干炒贵刁: 上枱嘅卖相好一般，味道都系。用料都几足，可以见到好多蔬菜，有蛋仲有肉片。虽然味道一般，好似冇咩