影片
更多
2019-03-27
770 浏览
记得曾经睇过啲餐厅介绍，观塘有一间好味饺子位处工厦，今日出黎观塘又心思思想食饺子，点知揾左一阵都唔见工厦饺子，当以为自己记错嘅时候，终于都发现到原来就系蒲公英和牛专门店!!! 就咁睇个餐厅名，真系点都估唔到会系食饺子，既然咁辛苦终于揾到佢，当然就要去试下啦!😆😆😆骆驼漆大厦三期有好多野食，只系一楼都有几间餐厅，今次嘅目标门口系写明卖冻肉，有牛有猪可以慢慢拣。但望入店就见到有几个姐姐系度密密手咁包同煮饺子。原来依间和牛专门店除左俾你买冻肉同饺子拎走，仲可以拣岩靓肉即时煎黎食同食水煮即包饺子。饺子有得2款基本味道：韮菜黑豚肉 同 白菜黑豚肉，分别可以拣 12只 ($42) 或 15只 ($50)，单双拼都系同样价钱。依度有一个特别之处就系饺子有分薄皮同厚皮，姐姐介绍两者分别在于口感，薄皮滑啲而厚皮就烟韧啲，不过第一次帮衬佢就推介食薄皮先，可以试下岩唔岩自己口味。我地今次就拣左韮菜同白菜各15只做我地今晚嘅晚餐。饺子唔系放汤上，薄皮真系有隐约见到馅，粒粒都饱满。姐姐建议第一次试食可以食左原味先，之后再决定要点醋/ 日式芝麻酱或者豆板酱。我自己就钟意醋，佢依度嘅醋都唔会好浓味，点少少吊下味就岩
骆驼漆大厦三期有好多野食，只系一楼都有几间餐厅，今次嘅目标门口系写明卖冻肉，有牛有猪可以慢慢拣。但望入店就见到有几个姐姐系度密密手咁包同煮饺子。原来依间和牛专门店除左俾你买冻肉同饺子拎走，仲可以拣岩靓肉即时煎黎食同食水煮即包饺子。
饺子有得2款基本味道：韮菜黑豚肉 同 白菜黑豚肉，分别可以拣 12只 ($42) 或 15只 ($50)，单双拼都系同样价钱。依度有一个特别之处就系饺子有分薄皮同厚皮，姐姐介绍两者分别在于口感，薄皮滑啲而厚皮就烟韧啲，不过第一次帮衬佢就推介食薄皮先，可以试下岩唔岩自己口味。我地今次就拣左韮菜同白菜各15只做我地今晚嘅晚餐。
饺子唔系放汤上，薄皮真系有隐约见到馅，粒粒都饱满。姐姐建议第一次试食可以食左原味先，之后再决定要点醋/ 日式芝麻酱或者豆板酱。我自己就钟意醋，佢依度嘅醋都唔会好浓味，点少少吊下味就岩岩好喇。韮菜饺好香，而白菜就爽口啲，2款味道都唔会好重味精味，食完唔会好口渴。不过黑豚手果方面，我就唔系好食到个分别喇。😂😂😂
虽然依间系和牛专门店，不过眼见大部份人都系食饺子，间唔中听到煎扒嘅声音，睇黎饺子嘅吸引力大好多哈哈。
张贴
