影片
更多
2012-08-28
344 浏览
本来约了一班团契细胞小组成员食饭，有几个人甩底，最后得番我哋三个人食依餐晏仔，虽然我唔系搞手，不过，人脚变得咁凋零，感觉都系差啲啲。虽然系咁，饭局照去！因为我本身返开嘅教会晌又一村，以前又系晌大坑东返学，所以嚟Teddy's Café真系无咩难度，不过区外客就可能有少少难揾，有地图都要揾一阵，因为佢瑟缩埋死角一边。餐厅分室内室外，夏冬两季客人多数瞇埋入内室部份，夏天凉冷气，冬天唔使挨寒风；要是天气清爽嘅，当然室外露天位抢手啦，睇门口餐牌架之下嘅小陶瓷狗仔，就知餐厅欢迎携犬内进，所以经常见好多狗主聚晌露天位之下。老实讲，室内室外环境都唔错，始终依头都系低密度纯住宅区，感觉会系幽静啲，好似今日我哋未够12:00pm就到，一个客都未有呀！午市主要供应套餐，午餐一共5款，有饭、有意大利粉、有沙律……，包餐汤餐包、前菜、甜品同饮品，都系卖$54-$62，价钱定位都合理。粟米磨菇忌廉汤味道还可以，粟米同磨菇味都有啲，未够浓郁，系质感方面太稀唔够滑，而且微暖唔够热，所以，要扣扣分。跟汤嘅法包，虽然无再烘过嘅，但皮脆内软，新鲜无话摆太耐嘅问题。杂果沙律午餐话包前菜，其实都只系一小杯杂果沙律配一撮沙律菜
因为我本身返开嘅教会晌又一村，以前又系晌大坑东返学，所以嚟Teddy's Café真系无咩难度，不过区外客就可能有少少难揾，有地图都要揾一阵，因为佢瑟缩埋死角一边。
餐厅分室内室外，夏冬两季客人多数瞇埋入内室部份，夏天凉冷气，冬天唔使挨寒风；要是天气清爽嘅，当然室外露天位抢手啦，睇门口餐牌架之下嘅小陶瓷狗仔，就知餐厅欢迎携犬内进，所以经常见好多狗主聚晌露天位之下。老实讲，室内室外环境都唔错，始终依头都系低密度纯住宅区，感觉会系幽静啲，好似今日我哋未够12:00pm就到，一个客都未有呀！
午市主要供应套餐，午餐一共5款，有饭、有意大利粉、有沙律……，包餐汤餐包、前菜、甜品同饮品，都系卖$54-$62，价钱定位都合理。
粟米磨菇忌廉汤味道还可以，粟米同磨菇味都有啲，未够浓郁，系质感方面太稀唔够滑，而且微暖唔够热，所以，要扣扣分。跟汤嘅法包，虽然无再烘过嘅，但皮脆内软，新鲜无话摆太耐嘅问题。
杂果沙律午餐话包前菜，其实都只系一小杯杂果沙律配一撮沙律菜，虽然普通咗啲，但味道OK够稳阵。
忌廉汁吞拿鱼意大利粉两个朋友不约而同拣依个意大利粉，K小姐系细食人，唔介绍被我试少少。意大利粉有韧劲，吞拿鱼系普通罐头货，碎湿湿；反而有好多秀珍菇同大菇，绝对令啲吞拿鱼比下去，而且，个忌廉汁做得几好，几香又好挂面。
香脆鸡扒配茄茸汁
啲主菜估唔到上得超快，嚟完餐包、餐汤、沙律，影咗几张相都未开始食，就上咗个主菜，咁搞难免摊冻晒，亦可见啲嘢好似整定晒咁。我依个鸡扒可以跟饭、意粉、薯菜，小弟拣咗饭，所谓「香脆鸡扒」，其实就系吉列，以面包糠脆炸，确实件鸡扒炸得香脆，仲有成3件咁多添，蘸茄茸汁，非常鲜甜，但竟然系冻嘅，如果庆热住我觉得效果更好，而啲饭亦都系微暖，配菜嘅甘笋仔同翠玉瓜系冻嘅添，真系有啲怪怪哋，因为我哋都算系头𠮶批客，照理好多食材应该啱啱整好无耐架？
甜品原来系泡夫，每人有两粒，唧埋朱古力浆，所以外观几好；之不过食落唔得，因为有啲雪过笼，里面忌廉馅硬到好似食雪糕，但有啲又OK㖞，真系好鬼飘忽啫。
餐饮点咗杯咖啡，口感麻麻，因为有啲涩，而且未够香，奶系冻嘅，出面好多餐厅俾奶或忌廉都系就咁从雪柜倒出嚟，只可以讲系未够窝心唔专业嘅做法啫。
整餐饭，以食物水准而言，仲有好多执漏嘅地方，大有进步空间，环境比较系间餐厅嘅一个卖点。至于服务方面，虽然招呼普普通通，服务水平唔系好专业，但侍应有礼勤快，斟茶递水送食物，难得店子又唔收加一，加上我哋系附近教会会友，揸住个洗礼证以资识别，仲有9折添。张贴
