sfs (已結業)

最近因为某个手机应用程式，知道左唔少咖啡店，佢地大部都系小店，并非连锁式。于是当一想到要hea下，就会谂起某几间coffee shop。周日黎到呢间位于圣佛兰士街嘅sfs，真系唔讲唔知呢度有间咖啡店呢！但我奇怪咁「隐蔽」嘅住置今日客人都唔少，比我想像中旺。原来，旁边打通左嘅铺位，有个gallery，当日正有个小市集，难怪连带隔离嘅咖啡店人流都几旺。除左系咖啡店，仲有唔少手工品、饰物购买。店内位置就唔多，得一张细枱仔，但店外有蓬嘅枱有三张，如果天气唔热，坐喺外面，饮杯咖啡，都几舒适。小店只有一位咖啡师，供应朱古力、咖啡、茶。Flat White $34咖啡味唔算好香浓，奶泡唔够滑，普普通通。热朱古力 $36朱古力味香浓，但奶泡唔算好滑，饮落唔会觉得甜。虽然饮品认真一般般，但喺度hea左阵，感觉都相当悠闲；只系坐坐下有两个倾谈比较大声嘅少女，有少少打扰~否则我觉得我地可以再坐多阵呢！