黑目 (已結業)

喺OpenRice寻找新餐厅。日式西餐厅喺香港都唔少但要揾间好食嘅唔容易。同事话我好识食，其实每次试新餐厅都战战兢兢…因为可能会中伏！呢间隐藏喺闹市中央图书馆附近嘅餐厅好有日本feel。我哋一行六个人叫咗温泉蛋和牛乌冬、炸鱼薯条、三文鱼Benedict 、蟹肉意粉等等。温泉蛋和牛乌冬和牛好甜美好好食😋乌冬非常烟韧绝对唔系冷藏货！炸鱼薯条炸完即刻上枱劲新鲜，热辣辣好味道；三文鱼Benedict 加埋薯条就算男士食都够饱。饮品方面cappuccino、Dirty coffee虽然等得耐咗啲…但系好味道。叫咗个士多啤梨吐司卖相非常之靓，味道亦都唔错。环境坐得好舒服，仲要系pet friendly! 可惜当日冇人带狗狗嚟…不足之处系所有香港餐厅都发生嘅人手不足…不过服务态度仍然系唔错嘅，会再帮衬。