百里居 (已結業)

成日行过见到都想试，次次都见店内外好多人，今日终于的起心肝去试，事日餐单，我㨂左三文鱼，以为唔多再加多个温泉蛋，点次一黎到甘多既？又可以㨂汤或水果，同埋加杯野饮，呢个杞子龙眼好正呀！成枝上！够豪气，我谂食完呢餐可以顶好耐，味道好正，见佢全是即叫即做，用铁板炒，送上台时热拿拿，真系好好味哦，$78 唔加一又有野饮又有水果，请问中环边度揾？仲要足料好味，唔写食评对唔住自己，真正又平又好味，唯一要弹就系地方窄得几张台，装修一般啦，食味道唔食装修的朋友可以一试，味精唔觉有落/落好多，因我食到味精会好口渴，依家都唔觉有口渴情况，所以又多一间中要饭堂in my list la。食完个开心饭继续工作，仲有龙眼杞子水同水果未食，下午茶继续，正。