淳吟居酒屋 (已結業)

去完圆方，唔想食连锁餐厅，行过对面小巷，见到有间居酒屋，胆粗粗入去试吓。虽然店舖细细，但系入面装修好用心，好日系好舒服，仲有outdoor seating添，啱晒呢啲咁舒服嘅天气。嘢食嘅选择好多，呢个明太子玉子烧，系我食过口感最好嘅煮法，两种食材嘅味道平衡得好好。清酒浸鲍鱼，份量比我想像中少，但一嚟卖相已经好吸引，二来酒香浓得嚟又唔会抢走咗鲍鱼嘅鲜味。平时出去食加州卷都唔平，呢度$38有三大件，食材新鲜，抵食！芝士年糕大阪烧，呢个配搭冇得输，年糕系比较企身，如果做到拉丝软淋淋就更加好味啦。最后呢个甜品有惊喜，应该系柠檬同柚子味，好消滞。