影片
更多
2014-06-23
7298 浏览
小肥家中有位Auntie，其洋名正好同「摩厨面馆」𠮶个英文名一样，都系叫「Maureen」，经友人带过一次后，因为觉得好有缘，而且食物菜式好特别，所以就陆续推介比亲友。Auntie Maureen非常好客，亦好爱锡后辈，发现新美食更第一时间邀请为食猫XO仔同表妹为座上客，我地两个可以话系既荣幸，又感激 ！位于湾仔o既「摩厨面馆」地点都几隐蔽，平时行街一定唔会经过，加上深色o既门面并不起眼，如果唔系Auntie介绍系绝对唔会留意到 ，亦唔会识自己去。面馆面积唔大，从门口可以一眼望哂，左手边为开放式厨房及约七至八位吧座，右手边则为三张二至四人o既散枱，地方简洁企理。Auntie一早订咗位，所以我地当日有得坐餐室最后排，亦即全店最舒适o既四人枱；不过佢话，如果人少，随身物唔多，坐吧枱其实可以一边欣赏穿著红色厨服o既大厨老板娘Maureen女士烹调食物，一边品尝美饡，享受另一番风味！「摩厨面馆」座位不够二十，除咗老板娘喺厨房内忙碌地炮制食物，其余三位年纪唔轻o既伙计o既职务都离不开落单、传菜、收碟等，功夫唔算多，亦不见得复杂，处理得都尚算妥当，唯独细佬觉得佢地欠缺咗份热诚同冲劲 ，有好大
位于湾仔o既「摩厨面馆」地点都几隐蔽，平时行街一定唔会经过，加上深色o既门面并不起眼，如果唔系Auntie介绍系绝对唔会留意到 ，亦唔会识自己去。面馆面积唔大，从门口可以一眼望哂，左手边为开放式厨房及约七至八位吧座，右手边则为三张二至四人o既散枱，地方简洁企理。Auntie一早订咗位，所以我地当日有得坐餐室最后排，亦即全店最舒适o既四人枱；不过佢话，如果人少，随身物唔多，坐吧枱其实可以一边欣赏穿著红色厨服o既大厨老板娘Maureen女士烹调食物，一边品尝美饡，享受另一番风味！
「摩厨面馆」座位不够二十，除咗老板娘喺厨房内忙碌地炮制食物，其余三位年纪唔轻o既伙计o既职务都离不开落单、传菜、收碟等，功夫唔算多，亦不见得复杂，处理得都尚算妥当，唯独细佬觉得佢地欠缺咗份热诚同冲劲 ，有好大进步o既空间！
「摩厨面馆」一共提供三款午市套餐，分别为''The Simple One''（HK$128加一）、''The Original''（HK$180加一）及''The Executive''（$208加一）。
Auntie Maureen真系好客气，提议我地每人都叫一set五道菜o既行政套餐，仲帮我地转埋份头盘做黑松露鲍鱼（当然系要加钱啦！），小肥真系有少少唔好意思。
黑松露鲍鱼（Abalone with Truffle Oil）：涷食o既鲍鱼质感爽脆，以黑松露油点缀不但增添一份软滑感，同时亦能特显鲍鱼o既鲜甜味，简单而出众 ！
63度蛋、香菇啫喱、云腿（The Perfect Egg – 63 Degree Egg, Mushroom Fluid Gel, Serrano, Wanton Wrapper）：摩厨o既「完美之蛋」其实系一只半生熟o既流心蛋，咁究竟点解会叫「63度蛋」呢？有靓太厨神美名o既妈咪解释，咁系因为只蛋其实系喺摄氏63度o既热水入面慢煮！「63度蛋」层半透明o既蛋白晶莹剔透，光泽闪亮，湿润滑溜，而蛋黄则鲜艳流心，味道香浓，配上碟底o既香菇云腿啫喱及伴碟o既云吞皮食，更觉野味，摩厨真系冇讲错，此果真乃完美之作 ！
低温煮和牛牛腩、洋葱白酒汁（Kobe Brisket – Sous Vide Kobe Beef Brisket, Onion Sauce）：讲真XO仔好少食牛腩，怕牛腩过熟容易变老，即又干又嚡，不过因为见餐牌写明系「和牛牛腩」，所以就好好奇地叫咗黎试 。意外地，和牛牛腩脂肪唔系太多，第一感已经好健康！和牛牛腩肉质同厚切牛脷有少少接近，软腍得黎又带点弹牙，最重要系牛腩完全唔嚡、唔干，而且好入味，其洋葱白酒汁味浓得黎又唔会话好溜，绝对值得推介 ！
摩厨捞面、中国老火汤（Noodles – Noodles Lo Mein, Chinese Broth）：上枱时，服务生解释，面条上橙橙地𠮶啲其实系麻油忌廉，食客可随自己o既喜好捞落啲面度，极爱麻油o既小肥当然系捞哂啦 ！摩厨捞面，貌似日式拉面，质感烟韧弹牙，捞入麻油令原本干身o既面条增添润滑，配上伴碟o既菜苗一齐食，口感同时又变得爽脆，清新奇妙，不愧为镇店菜式！
朱古力慕斯（Chocolate Mousse – Warm Chocolate Mousse）：暖暖o既朱古力慕斯由服务生负责喺客人面前唧出 ，即叫即起，几有睇头。朱古力慕斯又暖又滑，朱古力味香浓，但又唔会过甜，虽然只系细细杯，但因为前四道菜都好饱肚，所以份量其实啱啱好 。
埋单每人份升呢版套餐约$280，前菜有鲍鱼，主菜食和牛，自创菜式美味之余，煮法新潮得黎又唔会过火，老少咸宜，饱肚实惠，实属难得，价钱唔算话超抵，但绝对可以接受！始终大厨只有一位，虽然店舖细细间，座位不多，环境又唔系特别高级，但系XO仔觉得老板娘兼大厨Maureen女士已经做得好好，值得在此加以鼓励 ！张贴
